ДАНИ УЛСЫН ТУХАЙ
Нийслэл хот: Копенхаген
Албан ёсны хэл: Дани хэл
Хүн амын тоо: ~ 5.822.763 (2020)
Газар нутгийн хэмжээ: 43,098.31 км² (134-д)
Голлох шашин: Христийн шашинтай
Нэг хүнд ноогдох ДНБ: $38,207(14-д)
Мөнгөн тэмдэгт: Дани крон (DKK)
Дани улсын товч танилцуулга
Данийн вант улс нь Балтын тэнгис, Хойд тэнгисийн хооронд байрлах Ютландын хойг ба ойр орчмын арлууд дээр орших Хойд Европын улс юм. Нийслэл нь Зеланд арал дээр орших Копенхаген хот. Хойд талаараа тэнгисээр Скандинавын орнууд, өмнө талаараа хуурай газраар Герман улстай хиллэдэг. Гренланд, Фарерын арлууд нь тус орны харьяанд өөртөө засан тохинох эрхтэй.
Дани орон хэмжээт эрхт хаант засагтай, өнөөг хүртэл оршин тогтнож буй Европын хамгийн эртний хаант тогтолцоотой улс юм. Данийн хаант засгийн үндэс суурь нийтийн тооллын 935 онд тавигджээ. Одоогийн төрийн тэргүүн, ард олныхоо дунд ихэд нэр хүндтэй II Маргрете хатан 1972 оноос хойш хаан ширээнд сууж байна. Даннеброг гэгддэг тус улсын төрийн далбаа XIV зуунаас хойш ашиглагдаж буй бөгөөд одоог хүртэл тасралтгүй хэрэглэгдэж байгаа дэлхийн хамгийн эртний төрийн далбаа юм. Энэ нь Данийн төрт ёсны уламжлал хэчнээн урт удаан түүхтэй, засаг төр нь хэр тогтвортой болохын нэгэн баталгаа болно.
ДАНИЙН ГАЗРЫН ЗУРАГ, БАЙРШИЛ
ДАНИ УЛСЫН АЯЛАЛ ЖУУЛЧЛАЛ
Дани дахь аялал жуулчлал нь ихэвчлэн амралтын газар, кемпийн газруудаар бүрддэг. Аялал жуулчлалын нэлээд хэсэг нь далайн эрэг дээр явагддаг байна.
Данийн аялал жуулчлалын гол үзмэрүүд:
- Кронборг Сло цайз/ Kronborg Castle /- Зеландын Хельсингор дахь Кронборг шилтгээн нь олон зууны туршид Дани, Шведийн хил дээр бэхлэлт болж байжээ. Кронборг цайз нь 1420 оноос хойш оршин тогтнож байна. 2000 онд Кронборг шилтгээнийг ЮНЕСКО-ийн дэлхийн өвд бүртгэсэн байна.
- Шерунд гүүр/ Öresundbrücke /- Тус нүүр нь хамгийн чухал барилгын төслүүдийн нэг бөгөөд Данийн нийслэл Копенгагенийг Шведийн Малмё хоттой холбодог. 1993 оны 9-р сард барилгын ажил эхэлснээс 2000 оны 7-р сард ашиглалтад орох хүртэл бараг долоон жил болжээ.
- Легоны орон/Legoland/- Энэ бол 1968 онд нээгдсэн анхны Legoland зугаа цэнгэлийн парк бөгөөд Дани улсад жил бүр олон жуулчдыг татдаг газрын нэг юм. Бүх насныханд зориулсан тоо томшгүй олон сонирхолтой зүйлсийг та гэр бүлийнхэнтэй хамт хийж цагийг зугаатай өнгрөөх болмжтой.
- Фүний ордон/Fünen Schloss/-Энэхүү цайз нь 16-р зууны дунд үед баригдсан бөгөөд Сэргэн мандалтын үеийн хамгийн сайн хадгалагдсан барилга гэж тооцогддог. Энэ сайтыг одоогийн эзэн Граф Алефельд сэргээсэн байна. Тэрбээр барилгын өнгө үзэмжийг сайжруулж, хажууд нь ховор машин, тоглоомын музей, цэцэрлэгт хүрээлэн, лабиринт болон бусад зочдын сонирхлыг татдаг байв.
ДАНИЙ ЦАГ АГААР & АЯЛАЛ ХИЙХ ТОХИРОМЖТОЙ ХУГАЦАА
