Дэлхийн улс, хотууд

Египет Улс

ЕГИПЕТ УЛС

Нийслэл хот: Каир
Албан ёсны хэл: Араб
Хүн амын тоо: ~ 100’400’000 (дэлхийд – 13р байр)
Газар нутгийн хэмжээ
: 1’002’450 km2 (дэлхийд – 30р байр)
Голлох шашин: Ислам
Нэг хүнд ноогдох ДНБ: $14’023
Мөнгөн тэмдэгт:
Египетийн паунд (EGP)

Товч танилцуулга

Арабын Бүгд Найрамдах Египет Улс нь Африк, Ази хоёр тивийг дамнан оршдог. Ихэнх бие нь дорно умар Африкт хамаарч, харьцангуй бага хэсэг буюу Синайн хойг нь Өрнө Азид хамаардаг. Тус улс нь Азид зүүн хойд хэсгээрээ Израйль, Палестиний захиргааны нутаг (Газын зурвас) хоёртой, Африк тивд урд талаараа Судан, баруун талаараа Ливи хоёртой тус тус газраар хил залгадаг. Зүүн эргээрээ Улаан тэнгис, хойд эргээрээ Газрын дундад тэнгистэй хөвөөлнө. Египетийн нутгаар дайрах Суэцийн суваг хоёр тэнгисийг холбоно.

Хүн амын тал хувь нь Каир, Александриа болон мөрний дагуух бусад хотуудад хотжин суурьшсан бол нөгөө тал хувь нь магадгүй дэлхийн хамгийн урт мөрөн Нилийн эргийн дагуух тариалан эрхлэж болохуйц 40,000 квадрат километр газраар оршин суудаг. Баруун талаарх Сахарын цөлд хүн бараг суудаггүй.

Египет нь эртний иргэншил болон дэлхийн хамгийн алдартай хөшөө дурсгалуудад хамаарагддаг Гизагийн пирамидууд, Их Сфинкс зэргээрээ алдартай. Улсын өмнөд хэсэгт орших Луксор хотод Карнак хийд, Хаадын хөндий зэрэг маш олон эртний дурсгалууд байдаг. Египетийг улс төр, соёлын хувьд Ойрх Дорнодын чухал орон хэмээн үздэг.

ЕГИПЕТИЙН ГАЗРЫН ЗУРАГ, БАЙРШИЛ

ЕГИПЕТ УЛСЫН АЯЛАЛ ЖУУЛЧЛАЛ

ЕГИПТИЙН АЯЛАЛ ЖУУЛЧЛАЛ

Египетийн эдийн засагт голлох ач холбогдолтой аялал жуулчлал бол орлогын тэргүүлэх эх үүсвэрүүдийн нэг юм. 2010 онд энэ салбар Египетийн нийт ажиллах хүчний 12% -ийг эзэлж, 14.7 сая жуулчин хүлээн авч, эдийн засагтаа 12.5 тэрбум долларын орлого оруулжээ. Түүнчлэн аялал жуулчлалын салбар нь дангаараа ДНБ-ний 11% -иас дээш, гадаад валютын орлогын 14.4% -ийг бүрдүүлдэг. Мэдээж уг жуулчдын урсгалыг татахад Пирамид нь асар чухал үүрэг гүйцэтгэдэг.

ЕГИПТ – ийн аялал жуулчлалын гол үзмэрүүд:

  1. Гиза – Каир хотоос баруун өмнө зүгт 20 км – ийн зайд орших хүн төрөлхтний гараар бүтсэн 7 гайхамшигийн нэг болох Гизагийн пирамид, Сфинкс зэрэг цогцолбор юм.
  2. Саккара – Каираас өмнө зүгт 30 км-ийн зайд Эртний Египетийн нийслэл Мемфис хотын цогцолбор болсон өргөн уудам эртний булш оршдог. Үүнд олон тооны пирамид (дэлхийн хамгийн эртний шаталсан пирамид) мөн олон тооны жижиг бунханууд багтдаг.
  3. Люксор – Каираас өмнө зүгт 500 км-ийн зайд, эртний Фивийн хотын газар юм. Үүнд орчин үеийн хот дотор байрлах Карнак, Луксор дахь сүм хийдийн цогцолборуудын туурь орно. Нил мөрний эсрэг талд Баруун эргийн Некрополис дахь хөшөө, сүм хийд, булш оршдог бөгөөд үүнд Хаадын Хөндий ба Хатан Хөндий багтдаг.
  4. Абу Симбел – Суданы хилийн ойролцоо орших Фараон Рамсес II (МЭӨ 13-р зууны) үед уулын бэлээс сийлсэн хоёр том чулуун сүмийг багтаасан археологийн дурсгал юм. Нассер нуурыг бүтээх явцад усанд автахгүйн тулд энэхүү цогцолборыг 1960-аад онд бүхэлд нь нүүлгэн шилжүүлжээ. Тэд одоо Асуаны өндөр далангийн усан сангийн дээгүүр бөмбөгөр хийцтэй хиймэл толгод дээр байрладаг.

ЕГИПЕТИЙН ЦАГ АГААР & АЯЛАЛ ХИЙХ ТОХИРОМЖТОЙ ХУГАЦАА

weather_egypt