КАИР ХОТЫН ТУХАЙ
Египтийн нийслэл КАИР хот нь Африкийн болон Арабын орнуудын хамгийн олон оршин суугчтай хот бөгөөд Египтийн хамгийн том хот хэмээн тооцогддог. Каир нь анх Фатимидын калифуудаар хааны хаалттай гэр болж байгуулагдсан бөгөөд Фустатыг орлож засгийн газрын байрладаг хот болжээ. Хожим нь мамлюкуудын удирдлага доор, 1517-1798 онуудад Османы удирдлага доор, мөн түр зуур Наполеоны цэргүүдээр эзлэгдэж байв.
1805 оноос 1882 он хүртэл Египетийн Мухаммад Али нь Каирыг өөрийн тусгаар тогносон эзэнт гүрнийхээ нийслэл болгосон боловч дараа нь Британичуудын удирлагад оржээ. 1922 онд Египет тусгаар тогтносноор дахин Египетчүүдэд эрх мэдэл шилжсэн аж. Жилийн дундаж хэм нь хамгийн халуундаа 27,8 хэм байдаг бол хамгийн хүйтэн нь 15,8 хэм байдаг ажээ.
КАИР ХОТЫН АЯЛАЛ
Хэрвээ та тус хот руу аялахаар төлөвлөж байгаа бол дараах газруудаар заавал зочлоорой.
ЕГИПТИЙН МУЗЕЙ
Дэлхийн эртний олдворуудын хамгийн чухал цуглуулгуудын нэг болох Египетийн музей нь Мидан Тахрирын хойд талд байрлах Каир хотын төвд байрлана. Агуу том бөмбөгөр, хачин ягаан өнгөөр боссон барилгын дотор Тутанхамон болон бусад агуу фараонуудын гялалзсан эрдэнэсээр хийсэн булш, мумми, үнэт эдлэл, түүхэнд нэрээ алдсан египетчүүдийн аяга, тоглоом зэрэгцэн оршдог.
ИСЛАМЫН УРЛАГЫН МУЗЕЙ
Каирын захад орших энэхүү музей нь дэлхийн хамгийн шилдэг исламын урлагийн цуглуулгуудыг хадгалдаг бөгөөд Египетийн төдийгүй Ойрхи Дорнодын хамгийн үзэсгэлэнтэй музей юм. Үзэсгэлэнд тавигдсан зүйлс нь музейн эзэмшдэг 80,000 объектын зөвхөн нэг хэсэг нь боловч үзүүлдэг үзмэрүүд нь гайхалтай юм. Музей нь 2014 оны 1-р сард ойролцоох цагдаагийн төв байр руу машинтай бөмбөгөөр дайрах үед их хэмжээний хохирол амссан боловч 2017 оны эхээр их хэмжээний засвар хийсний дараа дахин нээгдсэн.
АЛЬ АЗАР СҮМ
МЭ 970 онд шинээр байгуулагдсан Фатимид хотын төв хэсэг болгон байгуулагдсан Аль Азар нь Каирын эртний сүм хийдүүдийн нэг бөгөөд түүний шейх нь Египетийн мусульманчуудын теологийн дээд эрх мэдэлтэн гэж тооцогддог. Энэхүү барилга нь мянга гаруй жилийн турш хөгжиж ирсэн Архитектурын нарийн шийдэл бүхий бүтээл билээ.
