Дэлхийн улс, хотууд

Карачи хот

КАРАЧИ ХОТЫН ТУХАЙ

Пакистан улсын Карачи хот нь Хүн амаараа дэлхийд дээгүүрт тооцогддог бөгөөд Пакистаны банк санхүү, аж үйлдвэр, худалдааны төв нь болно. Мөн Пакистаны үзвэр үйлчилгээ, хэвлэл, программ хангамж, анагаах ухааны хамгийн том компаниуд энд үйл ажиллагаагаа явуулдаг. Карачи нь өмнөд Ази болон Исламын орнууд дотроо дээд боловсролын төв болж өгдөг. Карачи нь Исламабад хот баригдах хүртлээ Пакистаны нийслэл байсан бөгөөд тухайн бүсийн хамгийн том, завгүй боомтуудын нэг болох Карачи боомтын байрлах газар оршино. 

Карачи нь цөлийн халуун уур амьсгалтай, Арабын тэнгисээс ирэх далайн нөлөөгөөр зохицуулж, урт “Зуны улирал” давамгайлдаг. Зун нь маш чийглэг, халуун байдаг хэдий ч далайн сэрүүн салхи тайвшрал өгдөг. Өвлийн уур амьсгал хуурай ба 12-р сараас 2-р сарын хооронд үргэлжилдэг. Гуравдугаар сараас эхэлж, зургадугаар сард муссон ирэх хүртэл үргэлжилдэг халуун дулаан улиралтай харьцуулахад хуурай, тааламжтай байдаг. Далайд ойрхон байх нь жилийн турш чийгийн төвшинг бараг тогтмол төвшинд байлгадаг. 

Карачи хотын аялал

Хэрвээ та Карачи хотруу ажил, аялал, амралтаар явах гэж байгаа бол тус хотын дараах аялал жуулчлалын гол үзмэрүүдийг үзэж сонирхоорой.

Мохатта ордон (Mohatta Palace)

1925 онд Хинду хун тайжийн барьсан 20-р зууны энэхүү ордонд урлаг, архитектур, соёлын үзмэрүүд туурвигддаг. Сэргэн мандалтын үеийн хэв маягаар баригдсан энэ том байшинг өнөө үед уран зургийн галерей, музей болгон ашиглаж байгаа.

Quaid-e-Azam байшингийн музей (Quaid-e-Azam House Museum)

Улсыг үндэслэгч Куэйд-э-Азамын хувийн амьдралын түүх нь тус улсын түүхтэй бүрэн уялдаатай байв. Энэхүү музейд зочлон колоничлолын барилга байгууламж, түүний эргэн тойронд байгаа цэцэрлэгт хүрээлэнг үзэх боломжтой.

Фрере Хол (Frere Hall)

1865 онд баригдсан Фрере Холлын барилга нь Пакистан улс Энэтхэг, Британийн колони байсан үеийн түүхэн дурсгалт байгууламж юм. Өнөөдөр цэцэрлэгт хүрээлэнгээр хүрээлэгдэн номын сан, уран зургийн галерейн зориулалтаар ашиглагдаж байна.

Чаухандийн булш (The Chaukhandi Tombs)

Чаухандийн булш нь ЮНЕСКО-гийн дэлхийн өвийн дурсгалт газар гэж бүртгэгддэг. Эдгээр булшнуудын нарийн сийлбэр хийц нь хамгийн анхаарал татдаг шинж юм. Энэхүү ордны үүслийг 15-18-р зууны хооронд гэж үздэг.