НУР-СУЛТАН ХОТЫН ТУХАЙ
Нур-Султа́н хот бол Бүгд Найрамдах Казахстан Улсын нийслэл хот юм. Казахстаны төв умар талд Акмола мужаар хүрээлүүлж 722 км² газар эзлэн Ишим голын эрэг дээр байрладаг. 2020 оны байдлаар Нур-Султан хот нь 1.136,156 оршин суугчтай болсон байна. Үүгээрээ бол Алматы хотын дараах хүн амаараа улсын хоёрдугаарт орж байгаа хот юм. Нур-Султан хот, Нур-Султан
Нур-Султанд 1989 онд бүх хүн ам нь 281 мянга байж, оросууд дийлэнхдээ (хүн амын 54.1% орос, 17.7% хасаг) сууж байсан бол 2010 онд нийт хүн амын тоо 684 мянгад хүрч, 65.1%-ийг казахууд бүрдүүлэх болжээ. Нур-Султан хот
Нур-Султан хотын аялал
Хэрвээ та Нур-Султан хотруу ажил, аялал, амралтаар явах гэж байгаа бол тус хотын дараах аялал жуулчлалын гол үзмэрүүдийг үзэж сонирхоорой. Нур-Султан хот
Байтерек цамхаг (Baiterek Tower)
Байтерек цамхаг бол Нур-Султаны хамгийн алдартай үзмэрүүдийн нэг юм. Энэхүү цамхаг нь эртний казах нүүдэлчдийн түүхээс үлгэр домгийн модыг бэлгэддэг.
Ирээдүйн эрчим хүчний музей (Nur Alem pavilion)
Нур Алемийн павильон бол Казахстан дахь ирээдүйн эрчим хүчний анхны технологийн музей юм. Найман давхар барилгыг АНУ-ын нэрт архитектор Адриан Смит, Гордон Гилл нар Олон улсын төрөлжсөн үзэсгэлэн EXPO 2017 үзэсгэлэнгийн Казахстаны павильон болгон төлөвлөжээ. Үзэсгэлэнгийн дараа павильоныг Ирээдүйн ЭХ музей болгон өөрчлөв.
Казахстаны үндэсний музей (National Museum of Kazakhstan)
Казахстаны үндэсний музей бол Төв Азийн хамгийн залуу, хамгийн том музей юм. Музей 2014 оны 7-р сарын 2-нд 74,000 метр квадрат барилгад нээгдэв. Энэхүү том цэнхэр шилэн, цагаан гантиг музей нь Казахстаны эрт дээр үеэс орчин үеийн түүх, соёлыг хамардаг.
Астана дуурийн театр (Astana Opera)
2013 онд Казахстаны Анхны Ерөнхийлөгч Нурсултан Назарбаев нээжээ. Нур-Султан хот дах “Астана Опера” театрын үзвэрийн танхим нь 1250 хүний багтаамжтай, хөгжмийн танхим нь 250 хүртэлх хүний багтаамжтай.
