Дэлхийн улс, хотууд

Осло хот

ОСЛО ХОТЫН ТУХАЙ

Осло бол Норвегийн Вант Улсын нийслэл юм. Өмнө нь үүнийг Кристиан (1624 – 1924)  хэмээн нэрлэдэг байв. 1,019,513 оршин суугчтай Осло бол  Норвегийн 5.3 сая орчим хүн амын бараг гуравны нэг юм. V Хэкон хаан 1299 онд Ослог Норвегийн нийслэл болгосон бөгөөд Акершус цайзыг барьж байгуулах ажлыг эхлүүлж, Гэгээн Мариагийн сүм барих зэрэг бусад олон барилгын ажлыг зохион байгуулж байжээ. Дундад зууны сүүлчээр Осло худалдаа, орон сууцны чухал хот болон хөгжжээ. Хүн ам хоёр дахин нэмэгдэж, 3500 болжээ. The Economist сэтгүүлд бичсэнээр Осло 2006 онд дэлхийн хамгийн үнэтэй хот болж байжээ. Тэр болтол Японы нийслэл 14 жилийн турш номер нэг байсан байна.

ОСЛО ХОТЫН АЯЛАЛ

Хэрвээ та Осло хотруу ажил, аялал, амралтаар явах гэж байгаа бол тус хотын дараах аялал жуулчлалын гол үзмэрүүдийг үзэж сонирхоорой.

Вигеландын уран баримлын парк (Vigeland Skulpturenpark)

Густав Вигеланд (1869 – 1943) Норвегийн урлагийн түүхийг голчлон Эдвард Мункийн адил барималч хэлбэрээр төлөвшүүлсэн. Түүний амьдралын бүтээлийг гайхалтай Вигеландын уран баримлын цэцэрлэгт хүрээлэнд бишрэн үзэж болно.

Акер Бригге (Aker Brygge)

1980-аад он хүртэл Норвегийн хамгийн том усан онгоцны үйлдвэрүүдийн нэг байсаар ирсэн. Гэвч дараа нь архитекторууд тухайн газарт шинэ амьдрал бий болгосон нь олон тооны ресторан, баар, оффис, кино театр, театр бүхий томоохон худалдааны төвүүд юм.

Осломарка/ Oslomarka)

 Осло хотын гаднах хязгаар нь ногоон зугаа цэнгэлийн бүс юм. Өргөн уудам ой, нуурууд нь үнэхээр үзэсгэлэнтэй . Осломарка нь Хойд Европын хамгийн том орон нутгийн амралт зугаалгын чухал газар юм.

Зугаа цэнгэлийн парк (Freizeitpark TusenFryd)

Байгалийн дундах зугаа цэнгэлийн цэцэрлэгт хүрээлэн. TusenFryd бол Норвегийн хамгийн том зугаа цэнгэлийн парк бөгөөд Ослогийн хамгийн алдартай үзмэрүүдийн нэг юм.