Аяллын чөлөөт өдрөөрөө Пукет хотод юу хийж болох вэ?
Пукет бол Тайландын хамгийн алдартай аялал жуулчлалын газруудын нэг бөгөөд далайн эрэг дээр амрахаас гадна өөрийгөө хөгжөөх, зугаалах олон зүйлсийг туршиж үзэхэд хамгийн тохиромжтой газар юм. Та аяллын дундуурх чөлөөт өдрөөрөө Пукетэд юу хийхээ мэдэхгүй зочид буудлынхаа өрөөнд өнгөрөөх гэж байгаа юм биш биз? Тэгвэл энэ өдрөөрөө та Пукет арал дээр үлдэх эсвэл эргэн тойрон дахь бусад жижиг арлуудаар аялаж болохоос гадна Пукет хотын үзвэрүүд, төрөл бүрийн хоолыг амталж үзэн завгүй өнгөрөөж болох юм. Дараах Пукетэд хийж болох зүйлсийн жагсаалтыг судлаад өдрийг сайхан өнгөрөөгөөрэй.
Патонг эрэг
Энэ бол Пүкетын хамгийн их хүн очдог алдартай хэд хэдэн эрэг бүхий наран шарлагын газар юм. Эрэг дагуу дээвэр дээрх баар, шөнийн зах, кабел цана – cable skiing, тийрэлтэт цана – jet skiing, парасайлинг – кабел шүхэр, кино театр, боулинг, дэлгүүр зэрэг элбэг байдаг. Хэрэв та арай чимээгүй хэсгээр зугаалахыг хүсвэл хойд эргээр явж болох ба илүү үзэсгэлэнтэй байгалийн тогтцыг олж харах болно.
Фанг На Бэй
Пукет ба эх газрын хоорондох Малаккагийн хоолойд байрладаг алдартай Панг Нга буланд шохойн чулууны карст (усны идэвхжилттэй холбоотойгоор чулуулаг уусч дотор хооронд хоосон зай үүсэхийг карст гэдэг) элбэг байдаг. Жуулчид Жеймс Бонд арал, Хонг арал, Ко Панье, Самет Нангшегийн харах цэг зэрэг алдартай арлууд руу аялах боломжтой. Хамгийн их хийгддэг зүйлсийн нэг бол каякинг хийх, арлуудаар дүүрэн байх агуйнуудаар аялж болно.
Карон эрэг
Андаманы тэнгисийн эрэг дээрх нарийн цагаан элсэн наран шарлагын газар нь салхинд серфинг, каякинг хийх, гадилтай завинд суух, вейкбординг – wakeboarding, усан цанаар гулгахаас гадна өөртөө бага зэрэг чимээгүй орчин бүрдүүлэхэд тохиромжтой.
Пукет Симон Карабет (Phuket Simon Carabet)
Гялалзсан хувцас, толгойн гоёлтой бүжигчидтэй тансаг кабаре шоуг санал болгодог театр. Өдөр бүр оройны 6 цагаас 10 цаг хүртэл цаг тутам шоу үзүүлдэг байна.
Камала эрэг
Үзэсгэлэнт далайн эрэг, аялал жуулчлалын улирлын турш ч тунгалаг байдаг ба зоогийн газар, дэлгүүрүүд, зочид буудлууд зэргийг багтаасан энэхүү газарт гэр бүлийн гишүүдийг бүгдийг зугаатай байлгаж чадна.
Хуучин Пукет хот
Пукет хотод хийх хамгийн чухал зүйлсийн нэг бол Хятад-Португалийн хэв маягаар баригдсан олон өнгө бүхий байшин, Тайландын үндэсний хоолтой ресторан, кофе шоп, Буддын шашны сүм, Хятадын бунхан, тэр байтугай зарим музейтэй Хуучин Пукет хотод зочлох явдал юм. Энэ нутгийн хамгийн алдартай хэсэг нь хотын төв ба Талангийн зам юм.
Пукет зах (Phuket Weekend Market)
Тус мужийн хамгийн том шөнийн зах болох Талад Тай Рот нэрээр нэрлэгддэг Нака Маркет нь Пукет хотын гадна талд байрладаг.
Пукет аквариум
Муэанг Пукет дүүрэгт байрлах энэхүү газар нь далайн гахай, дугонг, яст мэлхий, яст мэлхийн ангаахайг аврахад төвлөрсөн усан доорх туннель, Пукет далайн биологийн төвтэй.
Пукет Фантасиа соёлын парк
60 акр талбай бүхий энэхүү цэцэрлэгт хүрээлэн нь 3000 хүний суудалтай технологийн дэвшилтэт театр, Тайланд болон олон улсын хоолоор үйлчилдэг 4000 хүний суудалтай том хоолны газар, зочдыг зугаацуулах зорилготой худалдааны гудамжтай.
Бангла гудамж
Бангла Вакинг стрийт гэж нэрлэгддэг энэ зам нь Пукетын шөнийн амьдралын гол цөм юм. Нар жаргасны дараа замын хөдөлгөөнийг хааж, гудамжны жүжигчид, гудамжны худалдаачид, баар цэнгээний газар, насанд хүрэгчдийн зугаа цэнгэлийн газар болж хувирдаг.
Ват Чалонг
Энэ сүм бол Пукетын хамгийн том, хамгийн их хүн зочилдог сүм юм. Сүмийн хамгийн өндөр барилга нь Буддагийн ясыг агуулдаг 60 метрийн суварга юм.
Сармагчин толгой
Toh Sae Hill гэгддэг энэ бол Пукет хотын хамгийн өндөр толгод юм. Гурван ариун бурхныг залдаг бунхан түүний ёроолд байдаг тул хүмүүс азын сугалааны дугаар асуухаар их ирдэг.
Пукет трикейн музей (Phuket trick eye museum)
Пукет хотод хийх сонирхолтой зүйлсийн хувьд Муэн Пукет дүүргийн энэхүү интерактив зургийн үзэсгэлэн нь 3D хуурмаг байдлыг бий болгодог ханын зургуудаар дамжуулан хөгжилтэй зураг татуулах, зугаацах боломжийг олгодог.
Пукет төв цогцолбор (Central Festival Phuket)
Энэхүү худалдааны төв болон замын эсрэг талд байрлах түүний өргөтгөл нь 400 гаруй худалдааны цэг, Тайландын хамгийн том аквариумуудын нэг, кино театр, интерактив 3D музей, гэр бүлийн гишүүд цагаа өнгөрөөх боломжтой газрууд болон төрөл бүрийн хоолны газруудтай, тухайн бүс нутгийн хамгийн алдартай цогцолборуудаас бүрддэг.
Пукет зааны сургалтын байр
Жуулчид Пукет зааны дархан цаазат газрын заануудтай хамт тэндхийн ажилчдын тусламжтайгаар усанд орох боломжтой. Амьтдын тухай боловсролын мэдээлэл өгөх англи хэлтэй хөтчүүд байдаг. Нэмж дурдахад та ойролцоох наран шарлагын газар, ширэнгэн ойг үзэх боломжтой.
