Дэлхийгээр аялцгаая, Дэлхийн улс, хотууд

Тайландын Жэймс Бонд арал

Тайландын Жэймс Бонд арлын тухай

Хао Фин Кан /Khao Phing Kan/ бол Тайландын Пукетээс зүүн хойд зүгт орших Панг Нга буланд байдаг арал юм. Хао Фин Кан эргээс 40 метрийн зайд эгц хад бүхий Ко Та Пу буюу Ко Тапу хэмээх 20 метр өндөр арал оршдог. Тус арал нь шохойн чулуун карст цамхаг бөгөөд Ао Панг Нга үндэсний цэцэрлэгт хүрээлэнгийн нэг хэсэг юм. 1974 онд Жеймс Бондын “Алтан буутай хүн” киноны зураг авалт болсноос хойш Хао Фин Кан, Ко Та Пу нар Жеймс Бондын арал гэж нэрлэгддэг болжээ. Тайландын аялал

Тус арал нь цөөн тооны агуй, хоёр янзын элсэрхэг наран шарлагын газартай. Эхний эрэг дээр арал руу оруулах зөвшөөрөл авдаг оффис хэсэг байрладаг. 2 дох эргийг эх газраас ирэх жуулчдын завины боомт болгон ашигладаг бөгөөд шүрэн, хясаа, эрвээхий, хилэнцэт хорхой, аалз зэрэг зүйлсийг зардаг бэлэг дурсгалын дэлгүүрүүд байдаг. Далайн эрэг, агуйнууд 2–3 метр далайцтай далайн түрлэгээр байнга үерт автдаг тул зарим агуйд зөвхөн бага түрлэгийн үед л нэвтрэх боломжтой.

Арлын эргэн тойрон дахь ус хэдхэн метр гүн бөгөөд цайвар ногоон өнгөтэй. Доод тал нь хойд зүгээс хэд хэдэн голын урсгал дагуу Панг Нга буланд зөөгдөж ирдэг лаг шавраар хучигдсан байдаг.