БҮГД НАЙРАМДАХ НЭГДСЭН ТАНЗАНИ УЛС
Нийслэл хот: Додома
Албан ёсны хэл: Суахили болон Англи хэл
Хүн амын тоо: ~ 56’000’000 (дэлхийд – 25р байр)
Газар нутгийн хэмжээ: 947’303 km2 (дэлхийд – 31р байр)
Голлох шашин: Хүн амын 61.4% нь Христийн, 35.2% нь Исламын шашинтай
Нэг хүнд ноогдох ДНБ: $3’574
Мөнгөн тэмдэгт: Танзани Шилли (TZS)
Товч танилцуулга
Тус улсын нэр нь Танганьика хэмээх эх газрын нутаг дэвсгэр ба Занзибар хэмээх ольтригийн нэрнүүдийн эхний үеүдийг нийлүүлсэн нэр юм. 1964 онд Британийн Эзэнт улсын дээрхи нэр бүхий хоёр колони нэгдэж, Танганьика ба Занзибарын Нэгдсэн Бүгд Найрамдах Улсыг байгуулсан бөгөөд тэр жилээ нэрээ Бүгд Найрамдах Нэгдсэн Танзани Улс болгон өөрчилжээ. 1996 онд төрийн байгууллагууд нь Дар-эс-Салаамаас Додома руу нүүж Додомаг улсын нийслэл болгосон. Дар-эс-Салаам нь тус улсын эдийн засгийн гол төв хэвээр байна.
Танзани улсад африк тивд амьдардаг бүлээн цуст амьтдын 20 гаруй хувь нь нийтдээ 42000 километр талбай бүхий 21 тусгай хамгаалалттай газарт тархан суурьшдаг байна. Энэ нь нийт газар нутгийн 40 орчим хувийг эзэлдэг ажээ.
ТАНЗАНИ УЛСЫН ГАЗРЫН ЗУРАГ, БАЙРШИЛ
ТАНЗАНИ УЛСЫН АЯЛАЛ ЖУУЛЧЛАЛ
ТАНЗАН УЛСЫН АЯЛАЛ ЖУУЛЧЛАЛ
Аялал жуулчлал нь Танзани улсын эдийн засгийн тулгуур суурийн нэг бөгөөд тус улсын дотоодын нийт бүтээгдэхүүнд 17.2%, бүх валютын орлогын 25% -ийг бүрдүүлдэг. 600,000 гаруй хүнийг шууд ажлын байраар хангадаг салбар нь 2018 онд ойролцоогоор 2.4 тэрбум долларын орлого олсон гэж засгийн газрын статистик мэдээллээс харж болно.
ТАНЗАНИ – ийн аялал жуулчлалын гол үзмэрүүд:
- Катави БЦГ – Мпандагаас баруун өмнө зүгт 35 км зайд орших Катави үндэсний цэцэрлэгт хүрээлэн нь Танзани улсын гуравдахь том үндэсний цэцэрлэгт хүрээлэн юм (зэргэлдээ хоёр дархан цаазат газар нь 12,500 кв.км газар нутгийг хамардаг) бөгөөд хамгийн онгон зэлүүд газрын нэг юм. Хэдийгээр хамгийн алслагдмал газар ч гэлээ жуулчны баазууд нь маш тохилог өндөр зэрэглэлтэй ч үнэ маш боломжийн хямд байдаг байна. Гангийн улирлаар уг газарт нэг дороос олон төрлийн амьтан үзэх боломжтой байдаг.
- Тарангир БЦГ – Африкийн хамгийн доогуур үнэлгээтэй цэцэрлэгт хүрээлэнд тавтай морилно уу. Серенгети, Нгоронгоро зэрэг томоохон хүрээлэнгүүдтэй ойрхон байдаг тул Тарангире руу хойд тойргийн том маршрутын хүрээнд зөвхөн өдрийн аялал хийдэг. Гэхдээ уг газар нь заанууд газар цавчилж, арслангийн архирах, эрээн тахийн янцгаах чимээг хамгийн ойроос мэдэрч болох газар юм. Тарангир нь зэрлэг ан амьтдын агууламжаараа Танзанийн үндэсний цэцэрлэгт хүрээлэнгийн хоёрдугаарт (Серенгетигийн дараа) ордог бөгөөд дэлхийн хамгийн том зааны агууламжтай байдаг.
- Серенгети БЦГ – Серенгетигийн өргөн уудам тал газарт байгалийн нууц, хүч чадал, гоо үзэсгэлэн бусад цөөн хэдэн газарт байдаг шиг таныг хүрээлж байдаг. Их нүүдэл нь чухам уг паркийн дайран өнгөрдөг. Ховордсон, гайхамшигт амьтдын тоо 1 сая 500 мянга хол давж, 2-р сарын үеээр өдөрт 8000 орчим зэрлэг үхэр төллөдөг гэсэн тоо байдаг.
- Килиманжаро уул – Килиманжаро уулын парк 1977 онд албан ёсоор нээлтээ хийснээс хойш Танзанийн хамгийн их жуулчдыг татдаг цэцэрлэгт хүрээлэн болжээ. Хойд бусад цэцэрлэгт хүрээлэнгүүдээс ялгаатай нь уг газарт зэрлэг ан амьтдыг харах гэж ирдэггүй. Харин та экваторын цасан бүрхүүлтэй уулыг бишрэн харж, Африкийн оргил руу авирах боломжтой. Паркын зүрхэнд Африкийн хамгийн өндөр уул, тивийн хамгийн гайхамшигтай үзмэрүүдийн нэг болох 5896 м өндөр Килиманжаро оршдог.
ТАНЗАНИ УЛСЫН ЦАГ АГААР & АЯЛАЛ ХИЙХ ТОХИРОМЖТОЙ ХУГАЦАА
